Leiðinlegt... og þó

Það er alla vega óhætt að halda því fram að þetta verði stórleikur og að Arsenal hefði ábyggilega ekki getað fengið erfiðari leik þarna. Sérstaklega þar sem um miðja vikuna eftir er heimaleikurinn gegn AC Milan í meistaradeildinni.

Ég vil þó áfram hafa fulla trú á mínum mönnum og lít á þetta sem kjörið tækifæri til þess að slá Man.U. út á sínum eigin heimavelli.

Hins vegar verð ég að játa að ef ég þyrfti að velja myndi ég frekar að við ynnum Man.U. í deildinni í apríl og reyndar líka að við ynnum AC Milan þarna nokkrum dögum seinna. En auðvitað vill maður helst vinna alla leiki ;-)

Þetta er líka enn einn drátturinn sem Chelsea eru heppnir með, Huddersfield er í 17. sæti í fyrstu deildinni, sem sagt tveimur (næstum þremur) deildum neðar og hafa unnið 9 af 26 deildarleikjum sem þeir hafa spilað.

Annars verður athyglisvert að fylgjast með þessum bikarleikjum, það eru ótrúlega fá úrvalsdeildarlið eftir í keppninni, aðeins í þessari umferð. Í mesta lagi 5 í næstu umferð og ég hef fulla trú á að þeim gæti fækkað enn meira, t.d. á ég alveg eins von á að Sheffield United geti unnið Middlesbrough

United og Arsenal mætast í bikarnum